قطار يضرب التاني وعبارة تغرق ورا اختها.وملايين تموت من الفقر وملايين تعيش مع القهر. كل حاجة للشعب العربي المسكين تيجيها ميت مصيبة ومصيبة والنهاية اللي يموت واللي ينجرح واللي يتنيل بستين نيلة هو ابن البلد اللي يجري من الصبحية على لقمة عيش لولاده.مسكين  الشعب العربي كل المصايب فوق راسه وهو صامد بيستنا المصيبة اللي بعديها. العبارة غرقت قالوا: معليش اصل الراجل صاحبها نسي انها ما عدتش تصلح للنقل من عشرة خمستاشر سنة. قطارات بتضرب بعضها وبتقتل الخلق والناس قالوا:الوزير احتاج المبلغ اللي الدولة مخصصا للنعمير علشان يعمل مشروع سياحي مع ابن الريس وحيرجعه بعد ما يطلع على المعاش بالتقسيط. قالوا في فساد وفي اهمال وفي مصايب لا تتعد ولا تحصى. طيب هو مش السيد الريس بقى له اكتر من عشرين سنة قاعد على عرشه . وقالوا لنا في الإنتخابات انه مافيش حد احسن منه في السبعين مليون بني ادم ( انا بديت اشك انو الريس يعتبرهم بني ادمين) علشان يحكم البلد . طيب والعشرين سنة واكتر دول اذا كانت نتيجتها الفساد والإهمال والمصايب ده كلها اييه اللي بيستاننا بقه بعدين. طيب وهم الفاسدين والمهملين والمصايب اللي فوق راس الشعب ده جيت منين؟؟؟؟؟ مش فرخت وكبرت واكلت وشربت وزغططت في العهد الفرعوني المعاصر اللي الريس حكم فيه مصر وابو مصر . ومش كل دول محاسيبه وصحابه واصحاب ولاده وشركائهم وغيره وغيراته؟؟؟؟؟؟؟؟؟؟

والحال ده مش موجود في كل بلد عربي وكل مدينة ومحلة عربية؟؟؟؟؟؟

ومش احنا اشرف لينا يجوا الأمريكان والبريطانيين ويستعمرونا تاني؟؟؟؟؟؟ 

طيارتهم سليمة وقطاراتهم في سككها وعباراتهم ما بتغرقش مش كده؟؟؟؟ ولما بتحصل حاجة بيختشي المسؤل على نفسه ويستقيل ويتحاسب ويتحاكم مش كده؟؟؟؟؟؟؟؟؟

خليهم يجو ويعلمونا الديموقراطية . انا موافق على استعمارهم لنل ولبيوتنا ولو ما عملوا لنا اي نهضة ولا تنمية (الريس ما عاوزش يحارب علشان التنمية اللي زاي السبح مش شايفها حد)  …… لأنه لما تيجي مصيبة لينا نقول الإستعمار والمحتلين الغربا سبب المصايب مش كده….؟

اما الوقت ده نقول ايييه ؟؟؟؟ دول ولاد البلد اللي لعنين ابو اللي خلفوها؟؟؟؟ دول اولاد البلد اللي بينخروا زي السوس فيها؟؟؟؟؟؟

نقوووول اييييه ؟؟؟؟؟؟

انت قولو لي؟؟؟؟؟؟؟؟